NANGANDAM na ang provincial government sa Sarangani alang sa Sarangani Bay Festival 2024 nga magsugod sa May 24 hangtud 26.
Matud ni Joanna Lapore, labaw sa Provincial Information Office (PIO) sa Sarangani, magpahigayon sila karong semanaha og pinal nga coordinating meeting partikular na sa security ug deployment.
Mokabat usab sa 150,000 katao ang gilaoman nilang maki-party sa Sarbay, asa daghang aktibidad ang himoon atol sa festival.
Kahibaloan nga 3,000 lang ka turista ang mitambong sa Sarbay Fest sa 2006, apan nakalabay’ng tuig nakatala sila og 150,000 turista.
Nahimong tinuig nga Sarbay dungan sa pagpasar sa ordinansa nga nagdeklara sa matag ikatulong semana sa Mayo isip Sarangani Bay Festival week.
Samtang usa sa event mao ang pagpanguha og dap-ag o crown of thorns, clean up drive ug ubang ball events. I Richel Gubalani