KORONADAL CITY- PINASIGURO ng pamunuan ng South Cotabato Electric Cooperative o SOCOTECO-1 na may sapat itong supply ng kuryente, hindi katulad sa ibang lugar na nagpapatupad na ng ilang oras na rotational brown-out.
Ayon kay SOCOTECO-1 Finance Manager Francis Ian Fedoc na na-forecast na ng mga ito ang supply ng kuryente sa susunod na lima hanggang sampung taon kung kaya’t wala umanong dapat ipangamba ang mga konsumedores.
Ipinaliwanag ng opisyal na ang mga nangyayaring brown-out sa mga lugar na sakop ng SOCOTECO 1 ay hindi dahil sa kulang na supply, kundi dahil sa pagsayad ng linya ng kuryente lalo na kung umuulan o may malakas ng hangin, pagkatumba ng poste o pag-overload ng transformer at iba pa.
Ngunit ayon kay Fedoc na pinagsisikapan ng kooperatiba na maibsan ang brown-out at agad na marespondehan ang anumang problema sa linya ng kuryente.
