Ginhana nga sudlon ag posibleng takawan ro sangka salon sa may Regalado St., Kalibo, Aklan.
Sa interview it Brigada News FM Kalibo kay Mimay Recidoro it Brgy. Feliciano, Balete, Aklan, stylist it Dimas P Carillo salon, nakibot eon lang sanda kaina it agahun nga samad eon ro roll up door it andang establisyemento.
Owa man segun sanda nakapag operate kaina it agahun bangud indi nanda mabuksan ro pirtahan bangud nasamad eon raya ngani ginhambaean sanda nga magpa record sa Kalibo MPS.
Mayad eon lang segun ag owa’t eabot sa roll up door hay may glass door pa nga pasueod sa nasambit nga salon ngani owa man nakasueod ro posibleng suspek.
May ginadudahan man segun sanda bangud bago ro insidente hay may nag agto kanda nga daywa ka eaeaki nga hilong ag nagasumbil it mga beauty products.
Suno pa kay Recidoro, owa sanda it CCTV bangud pilang buean paeang nga naga operate ro nasambit nga salon. // ANN DESLENE SALAZAR
