Sangka netizen ro nagpost sa anang facebook kaangot sa nabakae nana nga isda sa Makato Public Market kaina it alas 11 it agahun.
Sa post it netizen nga si Jacqueline T. Berdandino, nakita nana ro naga puti sa unod it isda nga mamsa, ag pagtan-aw nana it uman hay nagahueag raya nga matsa ueod.
Ginbalik suno nana raya sa anang ginbakean ag sinabat imaw it manugbaligya nga natural eang raya sa isda ag ugat segun raya.
Ku ulihe hay ginbalik kana ro kwarta it manugbaligya ag may naka advice kana nga kunta hay nag agi imaw sa sanitary it munisipyo agud mainspeksyon ro mga baligya sa nasambit nga tindahan.
Tinutuyo segun nana sa pag post kara sa anang facebook hay magserbing awareness ay kaeuoy man segun ro iba nga nakabakae man. // ANN DESLENE SALAZAR
