Nagpatigayon kang Joint Greyhound Operation kag surpresa nga drug testing ang Bureau of Jail Management and Penology (BJMP) VI sa pagpanguna ni Regional Director Jail Chief Supt. Simeon Dolojo Jr., MPA kag Antique Jail Provincial Office sa pagpamuno man ni Jail Supt. Richard Servano, San Jose District Jail nga ginapangunahan naman ni Acting Jail Warden Jail Chief Insp. Jobert Tulayan sa mga katapo kang talatapan kag mga PDLs ukon Person Deprived of Liberty.
Dya ang ginlakipan man kang Philippine Coast Guard-Antique kang Agosto 30, 2024 kung sa diin sa nasambit nga operasyon ang wara kang may nadiskubrehan nga mga illegal narcotics ukon kontrabando.
Angut kang ginpatigayon nga drug testing, 42 kag 44 ka mga PDLs ang nag-negatibo sa Methamphetamine hydrochloride (shabu) ukon Tetrahydrocannabinol -THC (marijuana).
Dya nga aktibidad ang kabahin man kang sustainability program kang San Jose District Jail agud nga magpabilin nga drug-free jail facility kag suporta man sa BIDA Program kang gobyerno.
