Wala nang natitirang aktibong kaso ng COVID-19 ang sampung bayan sa lalawigan ng Pampanga.
Kabilang dito ang bayan ng Magalang, Guagua, Sta Rita, Sasmuan, Bacolor, Apalit, Candaba, Masantol, Minalin, at San Luis.
Base yan sa datos na inilabas ng Provincial Epidemiology Surveillance Unit o PESU ng Pampanga as of January 5.
Sa ngayon nasa 120 pa ang natitirang active case ng naturang virus sa buong lalawigan.
Habang ang total confirmed cases naman ay umabot na sa 83,548 kung saan 80,393 dito ang naka rekober.
