GIKUMPIRMA sa opisyal sa Police Regional Office (PRO) 12 nga nagpadala sila og personahe sa Davao, apan gibutyag sa opisyal nga wala sila nasayod sa tumong sa pagpadala sa ilang sakop sa PRO-11.
Sa pamahayag ni Brig. Gen. Nicolas Torre III, PRO-11 director ang arresting team nga kauban sa operasyon aron dakpon si Pastor Apollo Quiboloy ang gilangkuban sa pulis gikan sa PRO-11, PRO-12 ug PRO-13.
Una nang, gibutyag sa kapulisan sa Davao City nga naa sa 2,000 police officers ang gipakatag sulod sa Kingdom of Jesus Christ (KOJC) compound, kini aron dakpon pinaagi sa pagsilbi og arrest warrant batok sa KJOC founder ug self-appointed “son of God” nga si Quiboloy.
Samtang human sa police operation sa Kitbog, Malungon Sarangani Province kaniadtong Hunyo 10,2024 wala na subling gisulod sa PRO-12 ang maong lugar dungan sa pagtuo nga wala sa dapit si Quiboloy.
