Saging eamang ru gin kaon it may kapin sa 16 ka mga construction workers nga taga-Cavite ag Laguna sa sueod it daywang Domingo matapos ma terminate sa trabaho sa probinsya’t Aklan.
Suno kay Mr. Eric A. Labajo, sambilog sa mga trabahador sa interview it BRIGADA News FM Kalibo, gin pabay-an sanda it GDEN Contractor matapos ru sang buean nga pagtrabaho sa Brgy. Ugsod, Banga, Aklan.
Gin pangaku-an pa sanda it mayad nga panwelduhan apang ku ulihi hay uwa sanda pag bayari ag uwa man it gin tao nga allowance.
Raya hay matapos makabaton it kwarta nga naga balor it P40K nga kabilugan nga gastos it mga construction workers ku July 7 hasata ku ulihi hay gin pabay-an sanda sa lugar.
Maskin sa group chat sigun hay gina seen eang ru andang mensahe ag hasta makaron hay uwa it klarong sabat halin sa GDEN Contractor.
Nag-abot ru mga construction workers sa Aklan ku June 23.
Samtang, naka baton it notice of termination of contract ku July 20 ru grupo ni Labajo nga permado ni Guillermo Gerardo P. Roxas, President ag CEO nga main contractor it GDEN OSP Designs and Services Inc.//MARIVIC Y. ILIN
