Gimando sa City Government of Davao ang pagpatuman sa Safety Seal Certification Program sa tanang establisimyento pinaagi sa pag-apply og “Safety Seal” ug i-display kini pinasubay sa design nga girequire sa DILG base sa gipagawas nga Executive Order no. 3 series of 2022
Tumong niini aron masiguro sa mga customers ug publiko nga nasunod sa mga establishments ang mga minimum public health standards.
Sa implementasyon sa Safety Seal Certification Program, kinahanglan masunod ang guidelines subay sa Joint Memorandum Circular No. 21-01 series of 2021 o Implementing Guidelines saSafety Seal Certfication Program sa DOLE, DOH,DILG, ug DTI.
Manguna sa pagpatuman niini ang Business Permits and Licensing Division o BPLD, kung asa covered sa kamanduan ang mga private business establishments, pipila ka mga public places ug mga buhatan, lakip na ang malls, palengke, fast foods, restaurant, bisan mga karinderya, ug uban pa.
Kung ma-isyuhan na og Safety Seal Certificate ang usa ka patigayon, kinahanglan kini ipaskil sa atubangan ug masunod ang MPHS sanglit kung dili, dunay sanctions nga ipahamtang sama sa pagsuspendi sa ilang operasyon. BNFM-Davao
