Walay plano ang Dvo City nga subling ipatuman ang “test before travel” policy alang sa moabutay nga mga pasahero sa eroplano o domestic travelers luyo sa bahad sa omicron variant.
Sumala ni Davao City Mayor Sara Duterte Carpio, ang test before travel gipatuman lang sa IATF-MEID alang lang sa international travelers nga moabot pasulod sa nasud.
Sa mga international teavellers nga motugpa dinhi sa Dvo International Airport, kinahanglan nila ang negative test result.
Tungod sa bahad sa omicron variant, nagpatuman ang Pilipinas ug mas istriktong sumbanan nga epektibo niadtong December 3 alang sa mga inbound international travelers.
Ang mga fully vaccinated individuals mopresentra sa ilang negative RT PCR test result nga gikuha sulod sa 72 oras ayha mobiya gikan sa country of origin.
Sa ilang pag abot dinhi sa nasud, kinahanglang magpailalum sila sa facility-based quarantine ug kinahanglang usbon ang pagpa swab test sa ikalimang adlaw, dili igsapayan bisag duna kini negative test result.
Dili na kinahanglan ang bag ong guidleines alang sa travelers agi sa land, sea o air travel domestic ug international tungod sa pagkunhod sa kaos sa covid 19.
Dugang niini, wala nay dugang dokumento nga ipresentar alang sa mosulod sa Davao City gawas lang sa security check nga gi require sa AFP ug PNP batok sa bahad sa terorismo.
