ANTIQUE – Posibleng kakason it Antique Provincial government ro RT-PCR test result bilang sambilog sa requirements sa andang mga residente nga magauli halin sa guwa it Western Visayas.
Raya hay kasunod it Provincial Inter-Agency Task Force meeting sa probinsiya bangud magastos eon segun raya para sa andang mga residente.
Nasayuran nga maabung Antiqueños nga gustong umuli sa probinsiya pero indi nanda kayang magpa-test para sa RT-PCR nga nagabalor it P3,800 hasta P5,000.
Pero base sa rekomendasyon it mga medical experts sa Antique, ginkasugtanan gihapon nga i-require ro RT-PCR test result hasta Oktubre 15 ag andang pagatun-an ro posibilidad nga haeugaan ro travel requirements. / ANN DESLENE SALAZAR
