Nilampaso ng RSG Philippines ang RRQ Hoshi ng Indonesia sa finals ng 2022 Mobile Legends: Bang Southeast Asia Cup.
Sa pamamagitan ng 4-0 sweep kinoronahan ang MPL Philippines Season Nine champion bilang mga hari sa naturang torneyo na ginanap sa Malaysia International Trade and Exchange Center.
Nagtala ng come-from-behind win ang RSG PH sa Game 1 at 2 habang ipinakita naman nito sa Game 3 at 4 ang ‘pure domination’ kontra sa mga Indonesians.
Nabatid na bago ang sweep, unang tinalo ng RRQ Hoshi ang RSG sa unang paghaharap nito sa upper bracket finals.
Dahil sa panalo napalawig pa ng Pilipinas ang pamamayagpag sa MLBB matapos makuha ang ang anim na sunod-sunod na major titles katulad ng 2019 SEA Games, M2 World Championships, 2021 MSC, M3 World Championships, and 2021 SEA Games.
