Ginpasidungan sang Roxas City Government sa pagpanguna ni Mayor Ronnie Dadivas ang Roxasnon Filmmaker nga si Kyd Torato matapos nagdaog sa INDIEGENIUS Film Mentorship Program Grant para sa mga Regional Filmmakers halin sa iAcademy kag Netflix.
Personal nga ginbaton ni Torato ang certificate gikan sa lokal nga gobyerno sang syudad kag ginpakita man sini kay Mayor Dadivas ang trope nga iya nadag-an.
Nahibaluan nga sa 300 nga nagpasa sang ila short film entry, ang obra ni Torato nga may tigulo “Bisan Abo, Wala Bilin”! ang napilian nga isa sa duha gid lang ka filmmakers sa pungsod nga makabaton sang P500,000 grant para sa iya pagahimuon nga short film project kag ang shooting diri patigayunon sa Roxas City kag Capiz.
