Malipayon ang mga pumuluyo sang Brgy. Guba Pontevedra, Capiz matapos nakabaton sila sang isa ka rescue boat gikan sa gobyerno probinsyal sa pagpanguna ni Governor Fredenil Castro.
Nahibaluan nga nagpangayo sang baroto ang mga pumuluyo bangud ginabaha ang ila lugar sa tagsa nga magbubo ang mabunok nga pag-ulan kag sila ang nagakahangawa sa kaluwasan sang ila pamilya.
Ginkalangkag kag takus gid ang pagpasalamat sang mga taga-Sitio Pondol, Brgy. Guba kay wala sila ginapabay-an kag ginkalimtan sang probinsya.
Nangin kabahin man sa sini nga kahiwatan sanday Deputy Provincial Administrator Ricky Martin, Executive Assistant Rio Garcia, Mayor Henry Tumlos, mga Barangay Kapitanes sang pila ka kabarangayan sang nasambit nga banwa, kag labi sa tanan, ang mga pumuluyo sang Brgy. Guba, Pontevedra, Capiz. | Judy Ann Juare
