Ginkalipay sang mga ‘Upod kita Scholars’ sang Roxas City nga naka-enroll sa pribado kag pampubliko nga institusyon matapos nila nga nabaton ang book allowance/stipend para sa First Semester sang school year 2022-2023.
Gintugyan sang City Government ang pinansyal sa pagpanguna ni Mayor Ronnie Dadivas, Councilor Pip Acepcion kag Bords Viterbo kaupod si Board Member Thea Faith Reyes.
Nahibaluan, nga magapadayon ang scholarship program sang mga ini tubtob maka-gradwar sa kolehiyo pinaagi sa pagmentinar sang minimum grade requirement.
Natalana naman nga magahatag sang Educational Assistance ang lokal nga gobyerno sa mga estudyante nga wala naka-avail sang nasambit nga scholarship program.// KMD Gicalde
