Nagaplano sa karon ang Roxas City Government nga magpahamtang sang Dried Fish Showcase, isa ka one stop shop kun sa diin ipasundayag ang dried fish products sang siyudad.
Sa isa ka paghinun-anon sa pagpanguna ni Mayor Ronnie Dadivas kaupod si Dr. Ernestina Peralta sang UP Visayas Fish Processing Department kag City Agricultures Office, diri ginlatag ang plano nga pagbutang nasambitan nga baligyaan sa Barangay Dumolog.
Kun matigayon ini, ginapan-aw sang alkalde, nga makabulig ang amo nga proyekto sa pagpasanyog sang dried fish industry, turismo kag dugang nga pangabuhian sa mga pumuluyo kag ginakabig nga source of income ang pagpangisda.//KMD Gicalde
