Ro mga barangay sa Roxas City nga may pinakamataas nga numero it mga vaccinated individuals hay makabaton it incentives halin sa city government.
Raya ro naging pahayag ni Mayor Ronnie Dadivas sa sambilog ka pagpueong kaibahan ro mga kapitan it maeain-eain nga mga barangay.
Tuyo it nasambitang tikang nga kumbinsihon ro maabong mga indibidwal agud magpabakuna.
Sa nasambitan nga pagpueong, gin-isturyahan it mga opisyales ro Vaccination Drive Plan it siyudad ag ro pagkadiskubre it CURES o “COVID-19 Unified Response and Effective Strategies”.
Base pa kay Dadivas, maabo pa nga mga senior citizens ro uwa pa gid nabakunahan kuntra sa COVID-19.
Matandaan nga sa A2 priority group sa vaccination prioritization framework it Department of Health (DOH) ro pagpabakuna sa mga senior citizens./JIL B. LACSON
