Ginpaidalom na sa state of calamity ang Roxas City bangud tuman nga naapektuhan ang mga mangunguma sang tig-ilinit tuga sang El Niño phenomenon.
Nahibaluan nga naglab-ot na sa 540 ka mga mangunguma sa 14 ka kabarangayan ang apektado samtang ang halit sa agrikultura ang yara na sa masobra P23 milyon.
Suno kay City Councilor Koks Chu, bangud sa dako nga kahalitan nagpaguwa ang city government sang resolusyon nga ipaidalom sa state of calamity ang syudad agud pwedi na magamit ang pondo sa Quick Response Fund (QRF) para mabuligan ang apektado nga mga pumuluyo kag mangunguma. | Judy Ann Juare
