Naitakas ng Rain or Shine Elasto Painters ang panalo kontra NLEX Road Warriors sa kanilang close fight na nagtapos sa 83-82.
Ginanap ang laro ng dalawang kuponan sa pagbubukas ng 2021 Philippine Cup nitong Biyernes lamang.
Nanguna sa Elasto Painters si Rey Nambatac sa naitala niyang 19 points at 8 rebounds, na sinundan naman ng 17 points ni Beau Belga, kabilang na ang isang kursyal na hook shot nito sa huling minuto, 7 rebounds at 5 assists.
Nagawa ng Rain or Shine na kontrolin ang laro sa ikatong quarter kung saan ay na-outscore nila ang NLEX, 31-20.
Naging dikit ang kanilang laban hanggang sa katapusan, ngunit dahil sa clutch baskets ni Kiefer Ravena para sa NLEX, ay nanatiling malapit sa isa’t-isa ang kanilang score.
Si Ravena naman ang nanguna sa NLEX sa kaniyang 23 points, 7 assists at 3 steals habang nairehistro naman ni Kevin Alas, na nagdala sa kuponan sa opening period, ng 17 points.
