Naaresto kasuudmang hapon nin pinagsarong espwersyo kan hepatura nin Mercedes asin San Vicente Municipal Police Stations an sarong lalake na nahahampang sa kasong frustrated murder sa Purok 2, Barangay Manguisoc, Mercedes, Camarines Norte.
Pigbisto ining si Wally Tacorda 49 anyos na residente kan nasambitan nang lugar na ika- lima sa listahan nin Most wanted person sa banwaan nin Mercedes.
Ini sa kusog kan mandamiento de aresto na ipigpaluwas kan RTC Branch 41 digdi sa Daet na dae nin rekomendadong piyansa.
Segun sa Mercedes MPS, an kasong frustrated murder na kinakahampang ni Tacorda ay huli suboot sa pananaksak kaini sa biktimang si Wenifredo Torres Briones na nangyari Septiembre 2003 pa.
Nangyari ini huli suboot kan sintikan entre kan biktima asin tugang kan suspetsado.
Nasa kustodiya na ngunian kan nasambitan nang Municipal Police Station an suspetsado para sa maninigong disposisyon
Mientrastanto, hinagad man liwat ni Camarines Norte PNP Provincial Director PCol Julius Guadamor an kooperasyon nin publiko dapit sa padagos na pinahigot na Manhunt Charlie Operations ta ngani na madakop an mga wanted na personahe.
