Pinadi-disbar na si dating presidential spokesperson Harry Roque.
Ngayong umaga, naghain ng petisyon si Atty. Melvin Matibag – kapwa-miyembro ng Duterte Cabinet ni Roque, at dati ring opisyal ng PDP-Laban.
Aniya, dapat ay tanggalan na ng lisensya bilang isang abugado si Roque dahil sa paglabag nito sa professional responsibility at accountability.
Ilan sa mga inihalimbawa ni Matibag ay ang ‘di umano’y pagpo-post ni Roque sa social media nang mga hindi verified na impormasyon.
Kabilang na rito ang ‘polvoron video’ umano ni Pangulong Bongbong Marcos.
Sabi ni Matibag – dapat ay may responsibilidad si Roque na i-verify ang isang impormasyon, bago niya ito ipakalat.
Kung maaalala – una nang lumabas sa verificaiton na posibleng manipulated, ‘o ‘deepfake’ lang ang naturang video ng Pangulo.
