Muling magpapatupad ng rollback ang mga oil companies simula bukas.
Sa abiso, magbabawas ng P0.40 sa kada litro ng gasolina.
Mayroon ding P0.45 na rollback sa kada litro ng diesel; at P0.85 sa kada litro ng kerosene.
Alas-sais bukas ng umaga ay epektibo ito sa Shell, SeaOil, PetroGazz, UniOil, Jetti, at PTT; habang hatinggabi naman sa CleanFuel at Caltex.
Ito na ang ika-limang linggong sunod na rollback sa presyo ng produktong petrolyo.
Una nang sinabi ng oil industry sources na mas malaki pa sana ang ibabawas sa oil prices, pero naapektuhan ito ng mababang halaga ng Piso kontra Dolyar, pati na rin ang mas mataas na freight expenses.
#
