NANUMPA sa opisina ni City Mayor Lorelie Geronimo Pacquiao silang Reynaldo Clapis isip bag-ong barangay captain sa Brgy.Labangal ug si Greziel Pacquiao isip bag-ong Barangay Kagawad.
Gipahigayon ang pagpanumpa Hulyo 11, sa presensya usab ni Department of Interior and Local Government (DILG) City Director Rilimin Sandoval sa opisina sa mayor.
Nag-assumed si Clapis sa gibakanteng posisyon ni kanhing kapitana ug karon City Mayor, Lorelie Geronimo Pacquiao pinaagi sa rules of succession.
Samtang gi-appoint usab si Greziel Pacquiao isip bag-ong barangay kagawad sa Local Chief Executive.
Ang seremonya ang gisaksihan usab nilang Kagawads Jose Orlando Acharon, Richard Atendido, Atty. Franklin Gacal Jr., legal consultant ug City Administrator Shandee Llido-Pestaño. I BNFM GenSan
