GIPAILALOM sa surprise drug test ang mga opisyales ug mga empleyado sa LGU-Alabel.
Gipangunahan nilang Alabel Mayor Vic Paul Salarda ug Vice Mayor Lente Jun Salway Jr. ang surprisang drug test, Hulyo 11 sa Alabel Municipal Civic Gymnasium.
Lakip gipailalom sa drug test ang mga empleyado sa Alabel LGU asa gipangunahan ang aktibidad sa taga Philippine Drug Enforcement Agency (PDEA) 12, Department of Health ug Alabel Municipal Health Office (MHO). Anaa usab ang presensya sa kapulisan sa Alabel Municipal Police Station alang sa kahapsay sa aktibidad.
Gikabutyag nga kini na ang ikaduhang higayon nga nagpahigayon og suprisa nga drug test ang LGU-Alabel.
Nasayran nga nagpabilin nga drug cleared workplace ang munisipyo sa Alabel segun sa PDEA.
Sa umaabot nga adlaw, lauman nga mogawas ang resulta sa drug test. I BNFM GenSan
