GISUGDAN na sa GenSan ang paghatag og booster dose alang sa dili immunocompromised nga bata edad 12 hangtud 17-anyos. Ang rollout sa first booster dose sa maong age group Lunes sa buntag sa Robinson’s place, Barangay Lagao, GenSan matag Martes ug Byernes.
Sa pamahayag Facebook account sa LGU-GenSan, giawhag nila ang mga ginikanan nga dal-on ang mga bata sa vaccination sites alang sa unang booster shots. Base sa pamahayag, ang pagsugod sa rollout ang gumikan sa hinay-hinay nga pagtaas sa ihap sa kaso sa Covid-19.
Lakip na ang nagkaduol nga pagbalik sa mga estudyante sa eskwelahan pinaagi sa face -to- face- classes. Gawas niini, duna pa’y mga malls sa GenSan nga nagahatag og booster dose sa age group nga dili immunocompromised.
Una nang, gibutyag nga ang mga immunocompromised nga minor de edad ang gipahimangnoan nga mokuha sa ilang unang Covid-19 booster jab sa mga ospital. Kahibaloan nga nakalabay’ng semana, gianunsiyo sa Department of Health (DOH) nga makahimo na sa pagdawat sa ilang unang booster shots ang maong age group.
Apan giklaro sa DOH nga ang mga immunocompromised nga minors ang makakuha sa ilang unang booster shot 28 kaadlaw human ang ikaduhang dose sa Covid-19 vaccine. Samtang ang ubang pediatric population, 12 – 17 anyos ang makakuha sa unang first booster lima kaadlaw human ang ikaduhang dose. I Richel Gubalani
