Arestado ro sambilog ka retiradong pulis bangud sa pagdaea it baril sa Malonoy, Dao, Capiz.
Ginkilae ro naaresto nga si Jose Marin, 60-anyos ag residente it nasambitan nga barangay.
Sa pahayag it mga otoridad, nakabaton sanda it tawag halin kay Baltazar Paja angot sa nasambitan nga insidente ag insigida nga ginrespodehan raya it mga personnel it Dao Municipal Police Station.
Narekober sa persona ro sambilog ka unit caliber 9mm pistol nga may sambilog ka magazine nga kargado it 15 bala ag sambilog ka unit homemade caliber 38 revolver nga may lima ka bala.
Presente nga sa kustodiya eun it Dao MPS si Marin para sa tama nga disposisyon it anang kaso./JIL B. LACSON
