Plano sang City Council nga mas pabaskugon pa ang pagpatuman sang Responsible Pets Ownership Ordinance sa syudad sang Roxas agud malikawan na ang nagakatabo nga disgrasya sa mga motorista nga masami nagakabunggo sang layaw nga ido kag madamo sang iban pa.
Sa interview sang Brigada News FM Roxas City kay City Councilor Pip Acepcion, author sang nasambit nga ordinansa, iya ginpahayag nga ginpauntat nila ang pagpatuman bangud wala na sang City Veterinarian nga magatatap sa mga kasapatan.
Dugang pa ni Acepcion, isa pa sa nagtulod nga kinahanglan liwat buhion ang RPO ordinance bangud may nabalhag na nga kaso sang rabies sa syudad.
Nagakadapat suno diri nga kun may hinuptanan nga ido kinahanglan nga ipa-register ini sang tag-iya kag ini ang may mga rekisitos.
Samtang ang mga layaw nga ido ang pagadakpon kag pagadal-on sa dog found.
Matandaan sang damlag lang, ang Barangay Baybay ang naghimo sang tikang kun sa diin ang kada ido nga ginahuptan sang kada indibidwal ang ginpangbutangan sang lace kag ini ang naka-color coding agud makilala.
Nagpanugyan man si Acepcion sa mga tag-iya sang ido nga nagalagaw sa karsada nga dapat mangin responsable sa pagtatap sang ila hinuptanan. | Judy Ann Juare
