Nagpadala na og rescue ug medical team ang lokal nga panggamhanan ning syudad sa Davao arobn motabang sa mga biktima sa milabayngv bagyong Odette sa Bohol.
Mismong si Davao City Mayor Inday Sara Duterte ang nanguna sa send-off ceremony kagahapon sa buntag sa Davao International Airport.
Kapin usa ka gatos ka personahe gikan sa City Health Office, Davao City Central 911 Emergency Medical Sevices (EMS), Urban Search and Rescue (USAR), Fire Auxiliary Services (FAS) , ug mga doktor gikan sa Southern Philippines Medical Center (SPMC) ang gipadala sa Ubay, Bohol aron motabang sa relief ug rescue operation.
Gawas sa maong team, una nang nagpadala og mga personahe ang Davao Light aron motabang usab sa clearing operation sa mga linya sa kuryente.
Una niini gipailawum ni Bohol Governor Arthur Yap sa state of calamity ang tibook probinsya tungod sa dakong sa epekto sa Bagyong Odette.
Kahinumduman nga ang Davao City ang unang nag-abot og tabang sa mga apektado kaniadto sa Bagyong Yolanda sa Southern Leyte niadtong 2013.
