Mokabat sa 94,104 individuals gikan sa 328 barangays ug 49 municipalities sa Surigao del Sur, Surigao del Norte, Agusan del Norte, Agusan del Sur, Dinagat Island, Bukidnon, ug Misamis Oriental ang apektado sa bagyong Odette.
Kini subay sa nahimong asessment sa Eastern Mindanao Command (EastMinCom) human gibisita ang mga lugar nga naigo sa bagyo pinaagi sa aerial inspections.
Sumala kang EastMinCom chief Lieutenant General Greg Almerol, nitabang sa clearing operations ang iyang mga sakop partikular sa mga kadalanan gikan sa Butuan City hangtud na sa Surigao City kauban ang lain pang mga government agencies nga naglusad og relief operations.
Dugang sa opisyal nga padayon ang tropa sa EastMinCom, Government Units (LGUs), the Philippine National Police sa pagtabang sa pagpahimutang sa 259 evacuation areas.
Gigamit na usab sa militar ang bag-ong mga air assests sama sa upat ka S-70i Blackhawk helicopters, naval boats sa Dinagat Island ug Siargao alang sa Humanitarian Assistance and Disaster Relief (HADR) operations ug pag transport sa relief goods.
Gilusad usab sa militar ang “TULONG BAYANIHAN PARA SA SAMBAYANAN” kung asa ang ubang LGU’s, pribadong grupo, NGO’s ang nagpahigayon usab og kaugalingong donation drive. BNFM-Davao
