Opisyal nang nagtapos ang lahat ng renovations sa mga pasilidad sa Batasang Pambansa Complex para sa State of the Nation Address (SONA) ni Pangulong Ferdinand Marcos Jr. sa Lunes, July 22.
Ilan sa mga ni-renovate ang North Lobby, South Lobby, People’s Center at ang mismong entrance ng main building.
Pinangunahan naman ni Committee on Accounts Chairperson Representative Yedda Marie Romualdez ang blessing ceremony, habang si Fr. Antonio “Tony” Labiao ng Novaliches Cathedral of the Archdiocese of Novaliches ang nagsagawa ng pagbabasbas.
Maalalang sinabi ni House Secretary General Reginald Velasco na kinumpirma na ng 2,000 inimbitahan at 47 ambassadors ang kanilang pagdalo sa ikatlong SONA ni Pangulong Marcos.
