LEGAZPI CITY – Piglalaoman kan gobyerno-probinsyal kan Albay na kaibahan sa posibleng epekto kan pagbubugtak nin Renewable Energy Hub sa probinsya an pagpapababa sa presyo kan binabayadang kuryente kan mga albayano.
Segun kay Governor Atty. Edcel “Grex” Lagman sa inatrivista kan Brigada News FM Legazpi, nagkaigwa na nin pirmahan nin Memorandum of Understanding (MOU) an gobyerno-probinsyal asin Philippine Movement for Climate Justice (PMCJ).
Sinabi kan opisyal, kinakaipuhanon nang i-phase out an traditional na fossil fuel nin huli ta basado sa pag-aadal, dakula an potensyal kan probinsya sa pagkua nin wind energy.
Tinawan-doon pa ni Lagman na apwera sa pagbaba sa presyo kan kuryente, dakulang tabang man ini sa mga mawot mag-ivest sa probinsya.
