LEGAZPI CITY – Planong magbilog nin Renewable Energy Summit an gobyerno-probinsyal kan Albay enkaso mahilingan nin maray na resulta an pagkakaigwa nin Renewable Energy Hub sa probinsya.
Sinabi ni Governor Atty. Edcel “Grex” Lagman, enkaso magin epektibo ini makalihis an anom na bulan na assessment, makondusir sinda nin summit na aatendiran ki mga investors gikan sa lokal, nasyunal asin internasyunal nganing idiskutir an business and financial model.
Digdi, eenganyaron an mga investors na maglaog asin mag-invest sa probinsya na dai kinakaipuhang magpaluwas nin kwarta an gobyerno-probinsyal.
Sa paagi su boot kaini, dai na man kinakaipuhan maging dependent an mga residente sa tradisyunal na diesel asin coal-fired power plant.
