Anaa na sa 15% kon 16,960 ka Matinians nga kumpletong bakunado apan layo pa kini sa tumong nga herd immunity diin kinahanglang makabakuna og 107,455 ka mga Matinians aron kini makab-ot.
Samtang miabot na sa 2,009 ang tanang Matinians nga natakdan sa Covid-19 kon 1.3% sa populasyon.
Buot pasabot niini nga dakong parte pa sa populasyon sa Mati ang delikadong matakdan gawas na lang kung ang katawhan mutabang sa gobyerno sa striktong pagpatuman sa health protocols.
Ang paglikay sa mga pagtapok-tapok, pagpalayo sa ubang mga tawo, pagsul-ob og face mask, paglimpyo sa kamot, pag-abli sa mga bintana sa panimalay o opisina aron sa mas saktong bentilasyon ang mga butang nga makatabang sa paglikay sa Covid-19.
Ang Mati Incident Management Team naningkamot sa paspas nga pagbakuna sa aron kaprotektahan batok sa mas delikadong epekto sa virus.
Busa giawhag ang katawhan sa Mati sa pagtabang sa pagsiguro nga masunod ang health protocols.
