Arnel Callet
KABANKALAN CITY, Negros Occidental — Nagsugod na sa ika duwa nga semana sang Oktubre 2024 ang P50 million worth nga proyekto nga Water District Rehabilitation and Waterline Improvement sa syudad sang Kabankalan.
Sa ekslusibo nga interview sa isa ka ginasaligan nga source sang Brigada News FM-Kabankalan, ang ‘millions worth of project’ ang ginalakipan sang pagkut-kut kag pag-install sang mga bag-o nga waterpipes sa poblacion (Barangays 1-9) sang syudad.
Nahibaluan man nga ang iban nga mga water pipelines sang Kabankalan City Water District (KCWD) ang wala pa maislan humalin nga nagsugod ang water district sang ila operasyon.
Ang ini nga proyekto ang natigayon matapos na aprobahan sang opisina ni Senator Juan Miguel Zubiri ang proposal sang KCWD nga water system rehabilitation, nga gin-paagi sa Department of Public Works and Highways (DPWH).
Sa karun, ginahulat pa ang timeline sang proyekto gikan sa DPWH, kun san-o ini matapos. -BNFM Kabankalan
