TEMPORARYONG gisuspenso sa Land Transportaton Office (LTO) ang registration sa light electric vehicle (LEV) sama e-trikes, e-scooter ug e-bikes. Matud ni LTO-12 regional director Melharrieh Tomawis, gipatuman na nila sa rehiyon ang suspension dungan sa pagkanaog sa memo.
Dugang ni Tomawis, tumong sa ahensya mao ang masiguro ang safety sa mga naggamit sa LEV.
Kini tungod daghan na ang mga probinsiya ug siyudad sa nasud ang dunay ordinansa kalabut sa paggamit og LEV.
Tumong usab sa LTO nga makahimo og guidelines sa paggamit sa light electric vehicles ug masiguro nga kini ang roadworthy.
Giklaro usab ni Tomawis nga dili maapektohan sa suspension ang mga ordinansa kalabut sa paggamit og LEV.
Luyo niini, naglaom ang opisyal nga matugotan ang LEV nga subling maka-travel. I Richel Gubalani
