MITAAS pa sa 27,068 ang COVID-19 total recoveries sa region-12 tungod sa dugang 299 nga nakarekober sukad Agosto 15, subay sa update sa DOH-12.
Sa bag-ong nakarekober, ang South Cotabato adunay 126, GenSan sa 70, Sultan Kudarat sa 53, North Cotabato sa 33 ug Sarangani Province sa 27.
Misaka usab sa 31,193 ang total cases sa COVID-19 sa region-12 tungod sa dugang 315 new confirmed cases.
Sa bag-ong nagpositibo, ang Sultan Kudarat adunay 123, South Cotabato sa 94, GenSan sa 87, Sarangani Province-15 ug North Cotabato sa unom.
Mitaas usab sa 1,021 ang nakabsan sa kinabuhi sa COVID-19 sa region-12 tungod sa pito nga dugang namatay sa maong sakit. Kasamtangan, mokabat sa 3,099 ang aktibong kaso sa maong sakit sa rehiyon, asa ang North Cotabato adunay 842, GenSan sa 812, South Cotabato sa 653, Sarangani Province sa 506 ug Sultan Kudarat- 286 ka COVID-19 active cases.
