TULO na ka COVID-19 mega vaccination site ang naga-cater og mga magpabakuna nga mga anaa sa priority groups sa GenSan.
Ang bag-ong nadugang mao ang SM mall mega vaccination site gawas sa
Robinson’s Place mega vaccination site ug Veranza mega vaccination Site.
Butyag ni Atty.Doan Balboa, executive assistant sa Mayor’s office nga nagpadayun usab ang pagpabakuna sa mga RHU lakip na sa mga pribadong kompanya sa GenSan nga naka-procure og vaccine.
Gibutyag ni Atty.Balboa pinaagi sa steady supply sa mga bakuna gikan sa national government ug average nga 5,000 jabs kada adlaw, dili layo nga makuha ang herd immunity bag-o pa ang Desyembre 2021. Kahibaluan nga gihatagan usab sa DOH og target nga mabakunahan ang LGU asa kasamtangan anaa na sa A4 ang mga gipangbakunahan lakip sa mga wala pa nabakunahan nga anaa sa A1, A2 ug A3 priority groups.
