Nag-convene sa ikalawang pagkakataon ang National Maritime Council kung saan nagsumite ito ng policy recommendation kay Pangulong Bongbong Marcos.
Kaugnay pa rin ito ng mga insidente sa West Philippine Sea.
Sa press briefing ngayong hapon, kabilang sa isinumiteng policy recommendation ay ang tuloy-tuloy na pagsasagawa ng RoRe mission.
Samantala, sinabi naman ni Presidential Asst. Adviser on Maritime Concerns Andres Centino na hindi pa nila natalakay sa meeting ang posibilidad ng pagi-invoke sa mutual defense treaty (MDT) kasama ang Amerika.
Kasunod ito ng pagkaputol ng dailiri ng isang sundalo nang dahil sa China.
Maaalalang otomatikong mai-invoke ang MDT sa oras na mayroon nang ‘armed attack’.
Sinabi pa ni Executive Secretary Lucas Bersamin na posibleng ‘accident’ daw ang nangyari, kaya ‘di pa nila ito nakikitang isang armadong pag-atake.
Aniya – bukas pa rin daw umano silang makipag-usap sa China.
