Umabot ng 12 oras ang isinagawang medical evacuation ng Philippine Coast Guard (PCG) sa mga nasugatang sundalo sa pinakahuling rotation and resupply mission sa BRP Sierra Madre sa Ayungin shoal.
Ayon kay PCG Spokesperson for the West Philippine Sea Commodore Jay Tarriela, sa kabila kasi ng kanilang coordinating efforts sa China, nakaranas ng dangerous manuevers at harassment ang 2 barko ng PCG mula sa China Coast Guard.
Bukod sa CCG naranasan din ng barko ng PCG ang harassment mula sa Houbei class missile boats ng People’s Liberation Army Navy vessels.
Ito raw ang nagpahirap para sa PCG na ma-retrieve ang mga sundalo
Bukod sa mga sugatang sundalo ay isinagawa rin ng PCG ang pag-retrieved sa mga rigid hull inflatable boat na binutas ng CCG.
