GIHANGYO ni Cebu Governor Gwendolyn Garcia ang mga representatives sa independent private real estate appraisers sa pag-reappraise engon man sa pag-determine sa fair market value sa mga commercial ug industrial facilities. Kini atol sa ilahang panagtagbo sa Kapitolyo niadtong Lunes, Marso 20, 2023.
Matod ni Garcia, ang mga private appraiser maoy gitahasan sa pagdeterminar sa unang 10 ka dagkong business establishments, lakip na ang mga hotel, malls, resorts, restaurants, subdivisions ug amusement ug recreational parks, ingon man ang lima ka nag-unang industriyal nga kompanya sa probinsiya. Ang Kapitolyo gikatakdang mopirma og memorandum of agreement uban sa Cuervo Appraisers, Asian Appraisal ug AA+ Appraisal Inc., nga gipili nga modumala sa mga proyekto sa reappraisal.
Ang mga private appraiser maoy mogamit sa listahan sa mga commercial establishments diin ang buhatan sa mayor niisyu og permit isip ilang giya sa reappraisal mapping.///Michelle Craste
