Plano ni ports at casino tycoon Enrique Razon Jr. na magtayo ng pinakamalaking solar power facility sa buong mundo, sa layuning mapalakas ang suplay ng renewable energy sa Pilipinas.
Ayon sa infrastructure firm ni Razon na Prime Infrastructure Holdings Inc. (Prime Infra), na ang solar power facility ay may kapasidad na 2,500 megawatts (MW) hanggang 3,500MW at battery energy storage system (BESS) capacity na 4,000 megawatt hour (MWh) hanggang 4,500MWh.
Dagdag ng Prime Infra, ang solar farm project ay gagawin ng Terra Solar Philippines, isang unit ng Terra Renewables Holdings Inc., na renewable power subsidiary sa ilalim ng kontrol ng Prime Infra, sa pakikipagtulungan sa Solar Philippines Power Project Holdings Inc.
Kaugnay nito, ang Terra Solar ay magsusuplay ng 850MW sa offtaker Manila Electric Company (Meralco) mula sa planong solar power facility. //MHEL PACIA
