Sugatan ang 15-anyos na binatilyo matapos mauwi sa pananaksak ang away ng dalawang grupo ng kabataan sa Bgy. NBBS Dagat-dagatan, Navotas City.
Pasado alas otso kagabi nang mangyari ang insidente na nakunan pa ng CCTV.
Ayon sa Navotas PNP, nagtamo ng dalawang saksak sa kaliwang braso at tagiliran ang biktima mula sa 16-anyos na suspek.
Nasa kustodiya na ng Navotas City PNP ang suspek na nakatakdang dalahin sa Bahay Pag-asa.
Sa ngayon ay nagpapagaling na ang biktima.
