BICOL – TINAWNA DUON ngunyan kan Department of Health o DOH-Bicol na nakatabang an ipinautob na community quarantine tanganing magtiner na salbado sa covid-19 an publiko, urog an mga kaakian.
Segun ki Dr. Aurora Teres Daluro, Medical Specialist III kan DOH-Bicol, an pagbabawal sa mga may edad 18-anyos pababa na magluwas nin saindang harong an nakatabang tanganing magtiner na hababa an kaso kan mga hovenes na nagpopositibo sa virus.
Kun igwa man nin kaso sa mga kabale sa younger age group ini an dahil na-expose an mga ini o naging close contact kan mag naenot nang nagpositibo sa helang.
Base sa case distribution puon pa kan puminutok an outbreak, maabot sa labi kinyentos na mga kaso an nairehistro na may edad dyes y sais undo bentwe anyos ;labi dos sientos sisenta na mga kaso na na anas may edad onse hasta hanggang kinse -anyos; 180 cases sa 6-10 years old mantang maabot sa dos sientos na kaso an nairehistro na kabale man sa 0 to 5 years old age group.
Mantang liwat man na tinawan linaw ni Daluro an isyu dapit sa kun papaano masasabing close contact kan suspected/probable o covid-19 positive an sarong indidwal.
Soboot , close contact na maikokonsiderar an mga inidibidwal na nakaibanan sa harong, trabaho o nakasabay sa sasakyan nin sarong laboratory-confirmed covid-19 patient.
Siring man an transmission kan virus an madepende soboot sa durasyon kan naging exposure, physical distancing, kun nasunod an tamang pagsusulot nin personal protective equipment o PPEs asin seating arrangements kun engkaso ini an nakaibahan sa sarong kwarto o nakasabay sa sasakyan.
Photo courtesy: UNICEF
