Bisan paman nga gitangtang na ang pagmuntar og plastic barrier sa mga Public Utility Vehicle dinhi sa Davao City, nanakop ang City Transport and Traffic Management Office, Land Transportation Franchising and Regulatory Board XI, ug Traffic Enforcement Unit sa Davao City Police Office og PUV drivers sa mga wala nagpatuman og social distancing sulod sa sakyanan.
Giangkon sa law enforcers nga ilahang namatikdan nga sukad gipatuman ang pagtangtang sa plastic barriers sa mga pampublikong sakyanan wala na natuman ang social distancing sa mga pasahero.
Sa datus nga gipagula, 34 ka PUJ ang nadakpan sa CTTMO, 3 sa LTFRB-XI ug 6 sa TFU-DCPO.
Kahinumdoman nga una ng mipagula og Executive Order No. 63 Series of 2021 ang LGU Davao, nahiunod niini nga bisan paman nga gitangtang na ang plastic barriers, kinahanglan gihapon nga mutamod sa 50% seating capacity sulod sailang sakyanan.
