Nagakasubo ang mga pumuluyo sa banwa sang Cuartero matapos nagtaliwan si Mayor Joemarie Openiano sang damlag lang bangud sa ginasupreher nga balatian.
Sa interview sang Brigada News FM Roxas City kay Pastor Ezron Pilar ginpahayag sini nga ginkakibot nila ang balita nga nagtaliwan ang ila pinalangga nga alkalde kag nagpalab-ot man ini sang pagpakig-unong sa pamilya.
Dugang pa sini, apisar sa malip-ot nga tinion nga pagpungko ni Openiano bilang Mayor ila man nabatyagan ang maayo nga pagserbisyo sini sa mga pumuluyo.
Suno naman kay Alyas Inday Bebing, isa ka maalwan nga tawo si Openiano kag wala ini sang ginapili nga buligan mapa-apin ukon mapakontra partido man.
Nahibaluan nga una palang ini nga termino ni Openiano apang sa wala ginalauman nga hitabo, ginbawian ini sang kabuhi samtang ginabulong sa ospital bangud sa stage 4 Colon Cancer.
