Nadagsa ru sangka pumboat sa bibi it baybayon it Purok 3 Brgy. Navitas, Numancia, Aklan.
Sangka picture ru gin send sa BRIGADA News FM Kalibo FB page ni Mr. Ergie Ginoy it Brgy. Navitas, Numancia, nadagsa ru pumboat nga may pangaean nga STL-ROM-020820-0105021, color nga kombinasyon it asul, puea ag puti.
Suno kay Ginoy, mas – minus ala 1:30 kaina’t aga-aga nadagsa ru nasabit nga pumpboat sa nasambit nga lugar.
Ingkaso sigun nga may naduea-an it pumpboat, pweding maadtunan si Mr. Ergie Ginoy sa nasambit nga lugar. //MARIVIC Y. ILIN
