Ibinunyag sa latest Pulse Asia pre-election survey na less than half ng mga posibleng botante ang nag-draft na ng kanilang kompletong senatorial slate, ilang linggo bago ang May 9 elections.
Sa April 16-21 survey, tanging 41% ng mga respondents ang may mga pangalan ng kabuoang 12 choices para sa senatorial post, mula sa overall 64 candidates.
Kaugnay nito, mayorya ng mga respondents na nakakompleto ng kanilang listahan ay mula sa Visayas (58%) at Mindanao (55%), at mga botante mula sa Class E (55%).
Ang survey sa 2,400 respondents ay isinagawa sa pamamagitan ng face-to-face interviews, na may edad 18-taong gulang pataas.
Ito rin ay may ± 2% error margin sa 95% confidence level at ± 4% error para sa sakop na major island groups. //MHEL PACIA-TRINIDAD
