Mas ginpabaskug it mga tawuhan it Public Safety and Transportation Management Office (PSTMO Team) ag kapulisan ro kampanya kontra sa mga modified muffler ag speed limit violators sa mga motorsiklo ag maging sa mga saeakyan bangud sa pag eapas sa city ordinance sa Iloilo.
Ro illegal mufflers hay nagatuga it alarma ag iskandalo eabi eon sa gabii samtang ro madasig nga pagpadaeagan hay sambilog sa kaeabanan nga rasun kung ham-an naeaeakot sa mga aksidente ro mga driver ag bystanders sa mga daean.
Sa unang adlaw it operasyon, maabung motorista ro nadakpan ag naisyuhan it citation ticket bangud sa pag eabag. / ANN DESLENE SALAZAR
