Nagtao nin inisyal na solusyon an Public Safety Office (PSO) kan siyudad nin Legazpi, sa probinsiya kan Albay manungod sa magabat na bulos kan trapiko na naeeksperyensyahan sa manlain-lain na parte kan siyudad.
Segun kay Ret. Col. Rolly Esguera, namamayo kan nasambitan na opisina, tulo ang nahihiling nindang paagi sa pagresolba kaini siring kan pagpapakusog kan enforcement, pagbugtak nin dagdag na mga signages sa tinampo asin pagmonitor sa mga road obstruction.
Mientras, pangapudan ni Esguerra sa mga motorista na magkaugwang disiplina sa tinampo, orog na ngunyan na nagdadakol an mga nairerehistrong aksidente sa siyudad.
Sa presente, padagos an piggigibo nindang Task Force Kaayusan na naglalaom na bawasan an problema sa tinampo partikularmente an road obstruction siring kan illegal asin double parking.
