LEGAZPI CITY – Nakaandam na an Public Safety Office (PSO) kan Legazpi City para sa isasagibong prusisyon sa syudad sa maabot na Biyernes Santo.
Ini an tinawan-doon ni PSO Legazpi Chief Ret. Col. Rolly Esguerra sa Brigada News FM Legazpi, kun sain sinabi niya na dakol sindang babantayan asin aasisteran na mga prusisyon sa panahon na ini nin huli ta dakol an mga simbahan sa syudad.
Segun saiya, nagkapira sa mga simbahan na kadalasan pigruruso an Albay Cathedral, Saint Raphael the Archangel Parish, St. Jude Thaddeus Parish, Saint Padre Pio Parish, asin iba.
Sinabi pa ni Esguerra, nagkaigwa naman sinda ki coordination meeting kaibahan an mga opisyales kan barangay na maaagihan kan prusisyon nganing prepararan ini.
Alagad sa ibong kani, sinabi niya na laoman man giraray an mga traffic na taun-taon man pig-aantisiparan, kaya tulos nang minahagad nin pasensya si Esguerra.
